"Real Madrid" Çempionlar Liqası ilə vidalaşarkən, gecəyə damğa vuran isim iki qolla devləşən Arda Gülər oldu. Henri və Lamın "dünya klassı" deyərək qürurlandırdığı milli ulduz, məğlubiyyətdən sonra komandanın səssizliyini pozaraq liderliyi üzərinə götürdü.
"Real Madrid" dünən Çempionlar Liqasının dörddəbir finalında "Bavariya"ya 4-3 hesabı ilə uduzdu. İlk matçda da 1-2 hesabı ilə məğlub olan ispanlar, bu nəticələrlə Avropanın ən böyük futbol turniri ilə erkən vidalaşmalı oldular.
Dünən axşamkı oyunda Arda Gülər "Bavariya" qarşısında "Real Madrid"in ən diqqətçəkən oyunçularından biri idi. Türk Milli futbolçu qapıçı Manuel Noyerin böyük səhvini dəyərləndirərək komandasını 1-0 önə keçirən qolu vurdu və qarşılaşmada tarazlığı bərpa etdi. Ardanın qolu matçın hələ ilk saniyələrində gəldi.
Arda Gülər 29-cu dəqiqədə cərimə zərbəsindən vurduğu qolla hesabı 1-2 etdi və iki oyunun ümumi nəticəsində bir daha bərabərliyi təmin etdi. "As" qəzetinin xəbərinə görə, gənc oyunçu yalnız meydandakı performansı ilə deyil, oyundan sonrakı davranışı ilə də ön plana çıxdı.
Qarşılaşmanın son anlarında yaşanan gərginlik və Eduardo Kamavinqanın qırmızı vərəqə almasından sonra "Real Madrid" cəbhəsindən heç bir oyunçu mətbuata danışmadı. Bu səssizliyi pozan isim isə Arda Gülər oldu. Arda Gülər "Instagram" hesabından etdiyi paylaşımda bu ifadələri işlətdi:
"Belə olmamalı idi. Çox üzgünük. Geri dönəcəyik. Hala Madrid!"
Gənc oyunçu paylaşımında komanda yoldaşları ilə çəkilmiş bir fotoşəkilə və matçdan əvvəl komandanın bir araya gəldiyi anlara da yer verdi. Arda Gülərin paylaşımı qısa müddətdə böyük maraq doğurdu və sosial mediada bir çox dəstək mesajı aldı. Bu isimlər arasında "Real Madrid"in gənc oyunçularından Tiaqo Pitarç da var idi.