Berkshire Hathaway investisiya şirkətinin CEO vəzifəsindən ayrılan Warren Buffett, sektorda öyrəndiklərini illik məktublarında paylaşmışdı. Təqaüdə çıxan məşhur iş adamı Buffett, karyerası boyu bir çox mövzuda digər CEO-lara və gənc investorlara tövsiyələr verib.
Guardian qəzeti, 95 yaşlı investorun 1965-ci ildən bəri hər ilin sonunda paylaşdığı məlumatlandırıcı məktubları bir araya gətirib.
Nağd Pulun Önəmi və Səhmdar Səhvləri
Berkshire Hathaway investisiya şirkətinin CEO vəzifəsini bu ilin may ayında Qreq Abelə (Greg Abel) təhvil verəcəyini açıqlayan Buffett, 1998-ci ildəki məktubunda satınalmalar zamanı səhm deyil, nağd puldan istifadə olunmasını tövsiyə edib.
İş adamı 1998-ci ildə "General Re" təkrarsığorta şirkətini alarkən Berkshire-ın 272 min səhmini istifadə etmişdi. Daha sonra bunu "dəhşətli bir səhv" adlandıraraq, bu növ əməliyyatlarda nağd pula üstünlük verilməsini məsləhət görüb.
Qorxu və Tamah Arasındakı Balans
Buffett, investisiya əməliyyatları ilə bağlı ən məşhur sözünü 1986-cı ildəki məktubunda qeyd edib:
"Başqaları tamahkar olduqda qorxun, başqaları qorxduqda isə tamahkar olun."
İnvestorların hər zaman qorxu və tamah arasında gedib-gələcəyini bildirən amerikalı iş adamı, əsas məsələnin bu hisslərin zamanlamasını düzgün tənzimləmək olduğunu vurğulayıb. İqtisadi böhran dövrlərinə hazırlıq olaraq şirkətlərin nağd ehtiyat saxlaması da böyük investorun tövsiyələri arasındadır.
"Qızıl Yağışı" Fürsəti
2016-cı ildəki məktubunda Buffett, böhran dövrlərindən sonra yeni fürsətlərin yarandığına diqqət çəkərək, "qızıl yağışı" başladığında hər kəsin hazırlıqlı olmalı olduğunu qeyd edib.
Buffett həmçinin böyük şirkətlərin məsləhət xidmətləri almağa laqeyd yanaşmamasını müdafiə edib.
Panik Zamanı Soyuqqanlılıq
Bu il Wall Street Journal-da yayımlanan müsahibəsində, təqaüdə çıxsa da, investorluq qabiliyyəti ilə öz şirkətinə dəstək verməyə davam edəcəyini söyləyib:
"Bazarda panika yaşanarsa, orada köməyim dəyər. Çünki bir şeylərin qiyməti düşəndə və ya hər kəs qorxuya düşəndə mən qorxmuram. Bunun həqiqətən də yaşla bir əlaqəsi yoxdur."
Mənbə: Independent Türkçe, Guardian, Wall Street Journal Tərtib edən: Yasin Sofuoğlu
"Başqaları tamahkar olduqda qorxun, başqaları qorxduqda isə tamahkar olun."
+04
SCOOP News